Urdhëri i fundit i Ramës për kryebashkiakët: Asnjë produkt bulmeti të mos shitet pa faturë

Kryeministri Edi Rama ka dhënë urdhërin e fundit për ditën e sotme për kryebashkiakët para përfundimit të takimit.

Rama ka deklaruar se nga e hëna, asnjë bulmet apo produkt qumështi mos të shitet pa faturë.

Rama u jep porositë kryebashkiakëve: Derën e BE e kemi hapur, duhet të provojmë se jemi “të veshur” mirë, të edukuar dhe të denjë për t’u ulur në atë tryezë

Sipas tij, kjo është e patolerueshme nga pikëpamje të ligjit tatimor, por dhe shumë e rrezikshme.

“Drejtoria e Përgjithshme e Tatimeve është angazhuar për të sensibilizuar të gjithë ata që tregtojnë qumësht e bulmet pa faturë, që mos ta bëjnë më këtë gjë.

Nga java e ardhshme, do të konfiskohet çdo shishe qumështi pa faturë dhe çdo lloj bulmeti produkt pa faturë.

Është e patolerueshme në pikëpamje të ligjit tatimor, është edhe shumë e rrezikshme në këtë fazë të vitit, me këto temperatura, që mund të shkaktojnë helmime që janë të evidentueshme.

Nga e hëna, nuk ka paralajmërime, por vetëm sekuestrime të çdo lloj produkti bulmeti dhe qumështi pa faturë, në dyqane dhe tregje,” tha Rama.