Aksident në Pogradec, makina përplas 9-vjeçarin, i mituri dërgohet në spital

Një aksident me pasojë plagosjen e një fëmije 9-vjeçar ka ndodhur pasditen e sotme në fshatin Petrushë të Pogradecit.

Mësohet se makina ka përplasur të miturin teksa po kalonte rrugën. 9-vjeçari është dërguar në Spitalin e Pogradecit për ndihmë mjekësore.

Gjendja e të miturit ende nuk bëhet me dije ndërsa policia ka shoqëruar drejtuesit e automjetit në komisariat.