Shakira fitoi një tjetër çmim Grammy, duke ia kushtuar atë “vëllezërve dhe motrave emigrantë”. Ylli kolumbian i popit u nderua me çmimin e katërt Grammy në karrierën e saj, duke fituar në kategorinë e albumit më të mirë latin të muzikës “Las Mujeres Ya No Lloran”.
Në ceremoninë e ndarjes së çmimeve, ajo performoi dy nga hitet e saj më të mëdha. “Ojos Así” një këngë e vitit 1998 dhe “Shakira: Bzrp Music Sessions, Vol. 53” i vitit 2023, bashkëpunimi i saj me producentin argjentinas Bizarrap. Këngëtarja fituese e shumë çmimeve shfrytëzoi rastin për të trajtuar politikën e imigracionit të Presidentit Donald Trump, duke kritikuar vendimet që kanë çuar në dëbime dhe masa më të rrepta kundër emigrantëve pa dokumente.
Në fjalën e saj, ajo ia kushtoi fitoren “të gjithë vëllezërve dhe motrave emigrantë” në Shtetet e Bashkuara, duke theksuar: “Ju jeni të dashur, jeni të denjë dhe unë do të luftoj gjithmonë me ju”. Duke iu drejtuar veçanërisht grave që punojnë, ajo shtoi: “Për të gjitha ato gra që punojnë shumë çdo ditë për të mbajtur familjet e tyre, ju jeni ujqërit e vërtetë”.
Që nga marrja e detyrës, Donald Trump ka zbatuar një politikë të ashpër imigracioni, me Emigracionin dhe Zbatimin e Doganave (ICE) që regjistroi arrestime rekord, duke arritur në 956 vetëm më 26 janar.
