Pas një tjetër paraqitjeje për tu harruar të Kylian Mbappe me Real Madridin, disa deklarata të Cristiano Ronaldos të bëra në shtator në një intervistë me ish-bashkëlojtarin Rio Ferdinand janë bërë virale.
Kampioni portugez, me një të kaluar të gjatë në Madrid dhe tashmë protagonist te Al Nassr në Arabinë Saudite, foli pikërisht për pritshmëritë e mëdha që klubi kërkon nga anëtarët e tij.
Këto janë deklaratat e tij:
“Ne do të shohim nëse mendja e tij është e qartë dhe nëse ai mund ta trajtojë mirë presionin, sepse Real Madrid nuk është PSG. Unë mund ta garantoj këtë. Mbappé vjen tani dhe ju mund të thoni: a do të jetë më mirë Real Madridi me të? Nuk e di, mendoj se Real Madridi do të mbetet i fortë, por nuk e di nëse ata do të jenë më mirë se vitin e kaluar, por ata kanë një ekip të madh, lojtarë të mëdhenj”.
Sulmuesi francez, në 20 paraqitje për Blancos, deri më tani ka shënuar 10 gola dhe 2 asistime këtë sezon. Sigurisht, këto nuk janë shifra negative, por penalltitë e humbura dhe mungesa e mprehtësisë në ndeshjet e numëruara deri më sot, sigurisht që nuk e lënë të kënaqur turmën e Bernabeut.
