Ditën e sotme, Agron Shehaj, ka mbledhur në Pallatin e Kongreseve konventën themeluese të Partisë “Mundësia”.
Sipas Shehajt, duhet t’u japim mundësi të gjithëve, për ata që kërkojnë të shohin nga e ardhmja, Partia Mundësia është shtëpia juaj.
“Për të gjithë ata që kërkojnë të përfaqësohen nga një Parti e djathtë.
Për të gjithë ata që kërkojnë të përfaqësohen nga një Parti e re, moderne, Europiane, meritokratike.
Për të gjithë ata që kërkojnë të shohin nga e ardhmja, Partia Mundësia është shtëpia juaj.
Tani jemi këtu, në këtë sallë, me mijëra bashkëthemelues të Partisë Mundësia.
Pavarësisht mosbesimit, sot jemi bashkuar për të bërë realitet një parti të re politike që në ka munguar në këto 30 vjet. Një parti që ka si qëllim; kryesor dhe të vetëm; t’i japë mundësi të gjithëve”, – u shpreh Shehaj.
