Juventusi humbi një çështje arbitrazhi kundër ish-yllit të tyre Cristiano Ronaldo, kështu që ata zyrtarisht i detyrohen sulmuesit portugez gati 10 milionë euro plus interesat.
Portugezi Cristiano Ronaldo ka fituar një çështje në arbitrazh kundër ish-klubit të tij Juventus.
Siç raportohet nga Sport Mediaset, një gjykatë arbitrazhi vendosi të mërkurën që Bianconerët tani i detyrohen ish-sulmuesit të tyre 9.7 milionë euro plus interesat.
Ronaldo kishte filluar një betejë ligjore me ish-klubin e tij mbi 19.5 milionë euro në pagat e papaguara, si rezultat i dy manovrave të pagave të përfunduara gjatë pandemisë COVID-19.
Juventus kishte bërë marrëveshje private me Ronaldon dhe futbollistët e tjerë, duke shtyrë pagesën e pagave të tyre, por klubi nuk informoi FIGC-në dhe nuk raportoi manovrat në pasqyrat e tyre financiare.
Megjithatë, gjykata e arbitrazhit ka vendosur që Ronaldo dhe Juventus të ndajnë përgjegjësinë, kështu që bardhezinjtë do të paguajnë vetëm gjysmën e pagës së papaguar prej 19.5 milionë euro, plus interesin.
Ronaldo u largua nga Juventusi në vitin 2021 pas një periudhe trevjeçare në Torino, gjatë së cilës ai shënoi 101 gola në 134 ndeshje. /Telegrafi/
