A do të ketë një luftë të dytë në Kosovë? Kurti s’e përjashton mundësinë e një sulmi të ri nga Serbia

Së fundi në një intervistë të dhënë për gjermanen Stern, ai u pyet për mundësitë e një konflikti të ri nga Serbia, që do të sillte mundësinë e një lufte të dytë.

“Kemi një fqinj agresiv që nuk na pranon”, është shprehur Kurti.

”Nuk mund të përjashtojmë mundësinë e një sulmi sepse nuk varet nga ne. Por ne mbetemi vigjilentë dhe të mbështetur nga trupat tona dhe ato të aleatëve tanë të NATO-s, të cilët kanë shtuar mbështetjen e tyre që nga sulmet e shtatorit për të garantuar sigurinë e vendit tonë”.

”Përveç kësaj, ne përmbushim standardin e mbrojtjes prej dy për qind të PBB-së duke investuar në ushtri”.

”Nëse ka demokraci, liderët e zgjedhur duhet të mbajnë përgjegjësi për veprimet e tyre. Kjo çon në parashikueshmëri. Por diktatura mbart rreziqe. Pyet veten se çfarë do të urdhërojë një ditë Vuçiq policinë dhe ushtrinë e tij”.

”Ne vazhdimisht e ndiejmë agresionin serb: ata kanë 48 baza të avancuara ushtarake dhe xhandarmërie nëpër Kosovë – në formë patkoi”.