Palët në Izrael dhe Gaza kanë rënë dakord përmes negociatorëve që të shtyjnë edhe me një ditë marrëveshjen për armëpushim, ndërkohë që vijon shkëmbimi i pengjeve izraelit me të burgosurit palestinezë.
Ndërkohë që ndodh kjo, disa incidente kanë ndodhur në Bregun Perëndimor si edhe në Jerusalem, ku nga një sulm terrorist u vranë tre persona këtë mëngjes.
Është e paqartë se si këto incidente në Jerusalem, Betlehem dhe Jenin do të ndikojnë në armëpushimin e përkohshëm që lejon shkëmbimin e vazhdueshëm të pengjeve dhe të burgosurve.
Ministri izraelit Itamar Ben-Gvir që i përket një partie të ekstremit të djathtë, mbërriti shpejt në vendin e të shtënave të mëngjesit të sotëm duke mbështetur armatimin e civilëve izraelitë. Ai gjithashtu ka bërë thirrje për rifillimin e luftës së Izraelit në Gaza për të mposhtur Hamasin.
Ndërkohë Sekretari Amerikan i Shtetit, Antony Blinken, ka mbërritur në Izrael, teksa komuniteti ndërkombëtar vazhdon të shprehë mbështetjen e tij për zgjatjen e armëpushimit mes Izraelit dhe Hamasit, duke mundësuar lirimin e edhe më shumë pengjeve në Gaza.
Lirohet palestinezja e famshme, tronditet “qyteti i Zotit”: Kush po i hedh benzinë zjarrit?
Aktivistja palestineze Ahed Tamimi ishte një nga 30 të burgosurit palestinezë që u lirua nga Izraeli të mërkurën, si pjesë e marrëveshjes së armëpushimit me Hamasin.
Shërbimi i burgjeve të Izraelit tha se një grup të burgosurish i përbërë nga burra dhe gra ishte liruar nga disa burgje të vendit.
22-vjeçarja Tamini u arrestua në fillim të këtij muaji për një postim në Instagram, të cilin familja e saj thotë se ajo nuk e kishte shkruar.
Ndërkohë që po vijon armëpushimi dhe shkëmbimi i pengjeve dhe të burgosurve, një sulm terrorist ndodhi mëngjesin e sotëm në Jerusalem duke vrarë tre persona. Duket se dikush nuk është i interesuar për paqe në Lindjen e Mesme duke i hedhur benzinë zjarrit sa herë që palët përpiqen të ulin gjakrat. /albeu.com
