Ish-kryeministri kinez Li Keqiang , në moshën 68-vjeçare, ka vdekur nga arresti i papritur kardiak, raportojnë mediat shtetërore kineze .
“Shoku Li Keqiang, i cili kishte pushuar në Shangai ditët e fundit, pësoi një arrest kardiak të papritur më 26 tetor dhe pas përpjekjeve intensive (nga mjekët) për ta ringjallur atë dështuan (…) dhjetë minuta pas mesnatës së 27 tetorit.” , njoftoi transmetuesi shtetëror CCTV.
Ish-kryeministri shërbeu për një dekadë nën Presidentin Xi Jinping, nga viti 2013 derisa u largua si kreu i qeverisë së tij në mars.
Ekonomisti, i cili studioi në Universitetin prestigjioz të Pekinit, konsiderohej prej kohësh një nga pretendentët kryesorë për udhëheqjen e Partisë Komuniste Kineze, por vitet e fundit ai është lënë mënjanë gjithnjë e më shumë nga presidenti Xi.
Në vitin 2020, ai shkaktoi një sensacion kur theksoi se më shumë se 600 milionë njerëz në Kinë kanë të ardhura mujore prej më pak se 140 dollarë, duke ndezur debate intensive për problemet e varfërisë dhe pabarazisë në ekonominë e dytë më të madhe në botë.
