Një person në Vlorë është paraqitur në spital me plagë të marra nga armë zjarri. Policia bën me dije se i plagosuri, E.B,. 38 vjeç ndodhet jashtë rrezikut për jetën.
Shkaqet e plagosjes janë ende të paqarta, ndërsa hetimet për zbardhjen e ngjarjes kanë nisur.
Njoftimi i policisë:
Më datë 29.05.2021, rreth orës 23:30, në spitalin e Vlorës, ka shkuar i plagosur dyshohet me armë zjarri në rrethana ende të paqarta, shtetasi E. B, 38 vjeç, banues në fshatin Kaninë, Vlorë, i cili ndodhet nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë e rrethanave të ngjarjes./albeu.com
