Ulet sipari edhe në Serie A italiane, teksa janë dhënë edhe verdiktet e fundit, me Milanin e Juventusin që kanë mundur të marrin një biletë për në edicionin e ardhshëm të zonës Champions.
Skuadra e drejtuar nga trajneri Andrea Pirlo fitoi në udhëtim te Bologna me rezultatin e thellë 4-1.
Me dy golat e shënuar nga Alvaro Morata dhe nga një nga Adrien Rabiot dhe Federico Chiesa, skuadra torineze arriti fitore të rëndësishme.
Për vendasit golin e vetëm e realizoi ish-lojtari i Juventusit, Riccardo Orsolini.
Me këtë fitore Juventusi e mbyll kampionatin e Serie A në vendin e katërt me 78 pikë një më shumë se Napoli.
