Një grup të rinjsh janë konfliktuar mbrëmjen e sotme në një lokal në qytetin e Elbasanit.
Si pasojë e sherrit ka mbetur i plagosur shtetasi Kei Piu.
Mësohet se të rinjtë janë konfliktuar me mjete qelqi që janë gjendur në lokal.
I plagosuri Kei Piu nuk është një personazh i panjohur në Elbasan, pasi 3 vite më parë i ka shpëtuar një atentati me armë zjarri në qendër të qytetit, ku mori tre plumba në bark.
Një fuoristradë në lëvizje hapi zjarr ndaj ‘Range-t’ të 23-vjeçarit asokohe Kei Piu.
Mësohet se policia ka identifikuar autorin dhe e ka shpallur në kërkim, ndërkohë që po punohet për zbardhjen e plotë të ngjarjes./Albeu.com/
