Ukraina ka filluar bisedimet online me partnerët për zgjatjen e marrëveshjes së grurit të Detit të Zi, ka thënë një burim i lartë i qeverisë ukrainase për Reuters.
Burimi tha se Ukraina nuk kishte zhvilluar diskutime me Rusinë, e cila bllokoi portet e Detit të Zi të Ukrainës pas pushtimit të saj vitin e kaluar, por Kievi e kuptoi se partnerët e saj po bisedonin me Moskën.
“Situata me negociatat është mjaft e ndërlikuar. Tani shumë nuk varet nga ne, por nga partnerët”, tha burimi.
Rusia dhe Ukraina nënshkruan marrëveshjen historike që lejoi eksportet e grurit të rifillojnë nga portet e Detit të Zi pasi ato u bllokuan nga forcat e Vladimir Putin në korrik të vitit të kaluar.
Marrëveshja, e cila u menaxhua nga OKB-ja dhe Turqia, ngjalli shpresa se një krizë ndërkombëtare ushqimore e përkeqësuar nga pushtimi rus mund të lehtësohej.
Por Rusia ka sinjalizuar se është e pakënaqur me aspektet e marrëveshjes dhe ka thënë se do të pranojë ta zgjasë atë vetëm nëse merren parasysh interesat e prodhuesve të saj bujqësorë. /albeu.com
