Sulmuesi polak sqaroi Bayern se do të negocionte vetëm transferimin e tij te Barcelona, pasi dëshira e tij ishte dhe është të luajë në “Camp Nou.
Lewandowski, siç zbulon “Skysports Germany” , në takimin në Mallorca me drejtorin sportiv të Bayern, Hasan Salihamidzic, ka përjashtuar mundësinë e ribashkimit me bavarezët dhe ka shprehur dëshirën për një largim miqësor javën e ardhshme. Ai nuk ka në plan të dëgjojë asnjë ofertë nga Chelsea apo Paris Saint-Germain, skuadra që po shqyrtojnë gjithashtu rastin e tij, pas vendimit të sulmuesit polak për t’u larguar nga Bundesliga.
Bayern u përpoq ta bindte atë të pranonte një negociatë të re për rinovimin e tij, por qasja ishte e pamundur.
Gjithçka tregon, tashmë, se oferta zyrtare do të arrijë në ditët në vijim dhe Lewandowski është çështje kohe për të veshur fanellën e Barcelonës. /albeu.com/
