Ditën e sotme është liruar nga qelia ish-Drejtori i SHK në Sarandë Andri Dhima.
Gjyqtari Fatmir Ndreu ndryshoi masën e sigurisë për të, nga “arrest me burg” në “arrest në shtëpi”.
Seanca u zhvillua në orën 12:30 në Gjykatën e Sarandës pas kërkesës së Dhimës për ndryshim mase sigurimi, e cila ishte hedhur në short në 19 maj.
Kujtojmë se Dhima u arrestua më 24 mars pas urdhër-arrestit të lëshuar nga prokuroria e Sarandës, për “shpërdorim detyre”. Prej asaj date, në qelitë e paraburgimit të Sarandës janë arrestuar ish-zyrtarët e ASHK, Saimir Braho, Erliton Ymeri dhe Vasil Lagno, ndërsa në kërkim është shpallur ish-drejtoresha Kozeta Stetha./albeu.com
