Vedat Muriqi ka shkëlqyer deri më tani me skuadrën e Fenerbahces.
Kjo ka bërë që të zgjoj interesimin e shumë klubeve evropiane ku së fundi rreth ofertave ka folur menaxheri i lojtarit, Haluk Canatar.
“E vërtetë është se ka pasur ofertë konkrete nga Burnley, por klubi vendosi që mos ta shes në afatin kalimtar të janarit. Sa u përket ekipeve të tjera si Tottenham, Napoli e Lazio këto klube kanë shprehur interesim, por nuk ka pasur asgjë konkrete. Kontratën e klientit tim e ka në dorë edhe për katër vjet Feneri dhe se ata së bashku me lojtarin do të vendosin për të ardhmen”, tha Canatar, shkruan Fotomac.
26-vjeçari deri më tani ka realizuar 15 gola dhe ka pasur pesë asistime.