Sherri i deputetëve Ervin Salianji dhe Erion Braçe në Kuvend, habiti jo pak kolegët e tyre dhe qytetarët të cilët nuk I kishin parë politikanët në situata të tilla.
Në pak sekonda, debati mes tyre agravoi dhe të dy u nisën drejt njëri tjetrit për “t’u sqaruar fizikisht”. Nëse nuk do të ishte garda, u duk sikur mes tyre do të kishte një sherr vërtet të madh.
Të lidhura
None found
Por pavarësisht debateve, ofendimeve dhe sherreve deri fizike, Salianji dhe Braçe kanë një pikë të përbashkët që i bën ata “bashkë”.
Si duket, dy politikanët ndajnë bashkë berberin e tyre, i cili nuk ka ngurruar të postojë në rrjetet sociale fotot e të dyve.
“Këtu tek ne, nuk zihen kurrë. Parlamenti i ka fajet, ose ndoshta kanë ‘frikë’ nga gërshërët #DitaEPaqes”- shkruan berberi në Instagram.
Nuk dihet nëse bëhet fjalë për një takim mes tyre por nga bluzja e veshur e berberit të bën të mendosh se të paktën ka qënë e njëjta ditë.
Por nuk është çudi pasi nuk është hera e parë që politikanë “armiq” në Kuvend, dhe miq shumë të mirë jashtë këtij institucioni. /albeu.com/
