U nis për të kuruar një infeksion në dhëmb, por zbuloi se kishte kancer në qafë. Është kjo historia tronditëse e një 70-vjeçari britanik, i cili ka treguar për mediat se mori vesh se ishte sëmurë rëndë pas vizitës tek dentisti.
Steve Kibble shkoi fillimisht tek mjeku pasi kishte ënjtje në pjesën e majtë të gojës. Doktori mendoi se ishte infeksion dhëmbësh. Kështu që i dha disa antibiotikë si dhe e këshilloi që të shkonte tek dentisti.
Sidoqoftë, kur dentisti i hoqi dy dhëmbë zbuloi se kishte “mish të butë” në pjesën mbrapa fytit. Menjëherë pas kësaj, i moshuari shkon dhe vizitohet në spital. Atje ai kryen biopsinë dhe konfirmohet se kishte kancer.
Fillimisht kreu një operacion për të hequr ënjtjen në pjesën e majtë të qafës. Menjëherë pas kësaj iu nënshtrua kimioterapisë. Steve është tashmë duke rimarrë veten, por nuk lejohet që të hajë ushqime të forta.
