Operacionit Forca e Ligjit, i ka dërguar sot formularin e deklarimit të pasurisë katër personave në Elbasan, mes tyre dhe Kelmend Dalipit.
Dalipi është emër i njohur i drejtësisë, pasi është arrestuar në vitin 2015, si i përfshirë në çështjen e laboratorit të drogës në Xibrakë.
Mes të arrestuarve asokohe ishte edhe nipi i diktatorit Enver Hoxha, Ermal Hoxha. Ndërkohë Kelmend Dalipi ishte pronari i magazinës, që ishte kthyer në një laborator të përpunimit të lëndës narkotike.
Ai u dënua e 7.3 vite burg, ndërsa në vitin 2018, asokohe gjykata e Krimeve të Rënda vendosi ta lirojë.
Gjykata pranoi kërkesën e avokatit për lirimin e Dalipit me arsyetimin se i rrezikohej jeta në qeli për shkak të një sëmundje të rëndë që vuan i dënuari.
Ndërkohë, tashmë Dalipi është objekt i OFL dhe do t’i duhet të plotësojë formularin brenda 28 orëve.
