Dhjetë persona humbën jetën dhe katër të tjerë u plagosën të hënën, kur një furgon pasagjerësh doli nga rruga dhe u rrëzua në një shkëmb në perëndim të Bolivisë.
Ngjarja ndodhi në një rrugë malore pranë Irupanës, qytet që gjendet rreth 70 kilometra në lindje të kryeqytetit La Paz. Sipas mediave vendase, shumica e udhëtarëve në furgon ishin minatorë. Pamjet e transmetuara në Bolivi shfaqën automjetin e shkatërruar pranë një lumi.
Të lidhura
None found
Bilancin e aksidentit e bëri të ditur për televizionin lokal Unitel shefi i Policisë së La Pazit, Ricardo Terrazas. Ai konfirmoi se 10 persona kishin vdekur, ndërsa katër të plagosurit ishin dërguar në spital për trajtim mjekësor.
Autoritetet kanë nisur një hetim për të zbardhur rrethanat dhe shkaqet e aksidentit.
Aksidentet në rrugë përbëjnë një shqetësim të vazhdueshëm në Bolivi. Të dhënat e Ministrisë së Brendshme tregojnë se çdo vit në rrugët e vendit vdesin rreth 1,400 persona; ndër arsyet më të shpeshta janë drejtimi i pakujdesshëm dhe defektet mekanike.
