Një 60-vjeçar ka humbur jetën, pas një aksidenti të ndodhur pak më parë pranë fshatit Çiflig, në hyrje të qytetit të Korçës.
Sipas të dhënave paraprake, një punonjës i policisë rrugore, i cili kishte përfunduar shërbimin, po udhëtonte me automjetin e tij kur u përplas me një motomjet.
Të lidhura
None found
Përplasja rezultoi fatale për drejtuesin e motorit, i cili ndërroi jetë në vendin e ngjarjes.
Ndërkohë, edhe punonjësi i policisë mbeti i dëmtuar. Ai u dërgua me urgjencë në spitalin e Korçës dhe ndodhet në repartin e reanimacionit, nën kujdesin e mjekëve.
Në vendngjarje kanë mbërritur grupi hetimor dhe shërbimet e policisë, të cilat po vijojnë veprimet procedurale për përcaktimin e plotë të shkaqeve dhe rrethanave të aksidentit.
