Projektligji që synon ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar duhet t’i nënshtrohet një analize të mëtejshme të specializuar nga Kuvendi, vlerëson Ministria e Drejtësisë.
Të lidhura
None found
Sipas opinionit të ministrisë, shqyrtimi duhet të përqendrohet veçanërisht te pajtueshmëria e nismës me Kushtetutën e Kosovës dhe me detyrimet ndërkombëtare të vendit.
Ministria e konsideron çështjen komplekse për shkak të ndërthurjes së disa fushave dhe rregullimeve juridike me natyra të ndryshme, duke pasur parasysh rëndësinë e projektligjit.
Në mënyrë të veçantë, kërkohet vlerësim i përputhshmërisë së ndryshimeve me Amendamentin nr. 24 të Kushtetutës, si dhe me instrumentet e detyrimet ndërkombëtare.
Ministria ka deklaruar se do të jetë e gatshme, përmes Qeverisë, të ofrojë ekspertizën e saj gjatë diskutimeve dhe hapave të ardhshëm të shqyrtimit të projektligjit në Kuvend.
