Gjatë sfidës mes Shqipërisë dhe Bjellorusisë, tifozët e Kombëtares shqiptare shprehën mbështetje për ish-krerët e Ushtrisë Çlirimtare të Kosovës (UÇK).
Të lidhura
None found
Shqipëria e nisi me fitore rrugëtimin në Ligën C të Ligës së Kombeve, duke mposhtur Bjellorusinë 2-0.
Në tribuna u valëvitën flamuj kombëtarë, ndërsa tifozët shpalosën një baner ku shkruhej “Jo në emrin tim”. Mesazhi vjen pas reagimeve dhe protestave të nisura në vijim të aktgjykimit të 16 shtatorit ndaj katër ish-drejtuesve të UÇK-së.
Gjatë ndeshjes, tifozët brohoritën vazhdimisht “UÇK, UÇK”. Në stadium u panë edhe banerë të tjerë, përfshirë atë me mbishkrimin “Prangat e përkohshme, Historia e përjetshme”.
Shqipëria bën pjesë në të njëjtin grup me Finlandën, Bjellorusinë dhe San Marinon. Pas tre ditësh, kuqezinjtë do të luajnë si mysafirë ndaj San Marinos.
