Një grup prej afërsisht 20 banorësh të fshatrave përreth zonës naftëmbajtëse Patos-Marinzë i janë mbyllur brenda ambienteve të shoqërisë Bankers Petroleum, duke vendosur të qëndrojnë aty përgjatë gjithë natës.
Protestuesit po kërkojnë një zgjidhje përfundimtare për çështjen e pagesave të qirave të tokave, duke i bërë thirrje kompanisë që të marrë një vendim për ngërçin e shkaktuar.
Të lidhura
None found
Ata kanë bërë të ditur se qëndrimi i tyre do të vazhdojë pa afat në selinë e Bankers, derisa të arrihet një takim me një përfaqësues të autorizuar, i cili pritet t’u paraqesë një ofertë përmbyllëse për pretendimet e tyre mbi pagesat e tokave.
Ndërkohë, protestuesit janë ende brenda zyrave, në pritje të një reagimi zyrtar nga Bankers.
