Enea Mihaj bëhet hero, i shënon në fund Olympiakos dhe ngjit Paok në Champions (VIDEO)

Enea Mihaj është rikthyer edhe njëherë në një lojtar të rëndësishëm te PAOK, duke i dhënë fitoren në përballjen derbi ndaj Olimpiakos Piraeus.

Këta të fundit janë në kryesim në kampionatin e Greqisë, ndërsa janë mundur në shifrat 0-1.

Mbrojtësi i Kombëtares është aktivizuar në fillimin e pjesës së dytë duke shpërblyer besimin e trajnerit.

Në minutën e 90 të takimit ishte një krosim i bukur nga krahu i djathtë dhe Mihaj që ka dërguar topin me kokë në rrjetë. Menjëherë ka nisur festa për lojtarin shqiptar që ka treguar stemën e PAOK me krenari.

Trajneri Ferreira nuk po i beson shumë Mihajt te PAOK, që janë ende kampionët në fuqi të Greqisë, por në rastet kur e aktivizuar këtë futbollist ka dalë përtej pritshmërive.

Ashtu siç ka ndodhur edhe në përballjen e sotme ku pavarësisht se janë luajtur thuajse 100 minuta loje, Olimpiakosi e ka pasur të pamundur për të dalë me pikë falë realizimit të Mihajt.


Shtuar 12.07.2020 21:20