E ardhmja e portierit të Gjermanisë është në pikëpyetje, me kontratën e tij te Barcelona që po afrohet me fundin.
Palët kanë biseduar tash e disa kohë për rinovimin, por kërkesat e Ter Stegen duket se kanë bërë që të mos arrihet marrëveshje.
I pyetur nga fansat për të ardhmen e tij, si dhe një rikthim të mundshëm te Borussia Monchengladbach, Ter Stegen ka dhënë një përgjigje të shkurtër.
“Kurrë mos thuaj kurrë”, ishte përgjigja e portierit gjerman, i cili kështu la të hapur çdo mundësi për rikthim.
Ter Stegen kalonte te Barcelona pikërisht nga Gladbachu, për të fituar më pas edhe Ligën e Kampionëve në vitin 2015.
Mbetet të shihet nëse Ter Stegen do të rinovojë kontratën e tij. Thuhet se ai kërkon një pagë prej 10 milionë eurove në vit.
