Shkëndija mposhti Akademinë Pandev në javën e gjashtë të kampionatit në Maqedoninë e Veriut.
Heroi i kuqezinjve nga Tetova ishte i përhershmi Besart Ibrahimi, i cili realizoi të dy golat e fitores.
Sulmuesi 34-vjeçar tregon se nuk ka humbur asgjë nga shkëlqimi i tij, pavarësisht moshës madhore.
Me këtë fitore, Shkëndija e drejtuar nga Ernest Gjoka shkon në kuotën e 14 pikëve duke marrë kryesimin e kampionatit.
Megjithatë, ndeshja që tërhoqi më tepër vëmendje ishte përballja mes dy skuadrave shqiptare Shkupi-Renova.
Plot 7 gola u realizuan mes ekipit nga Çairit dhe atij nga Tetova, i cili pa si fitues në çastin e fundit “Shvercerat”.
Sfida tjetër Sileks-Borec përfundoi me fitoren e miqve 1-2.
