Manchester United ka prezantuar blerjen më të rëndësishme dhe atë rekord për merkaton e dimrit.
Bëhet fjalë për Bruno Fernandes, mesfushori portugez që u ble nga Sporting Lisbona për 80 milion euro. Futbollisti fimosi një kontratë 5-vjeçare, përpara se të pozonte bashkë me trajnerin Ole Gunnar Solskjaer.
Ishte pikërisht tekniku norvegjez që kërkoi me ngulm Bruno Fernandes, duke detyruar “Djajtë e Kuq” të shpenzonin një shifër marramendëse për të mundur rivalitetin e klubeve të tjerë të mëdhenj të Europës, që gjithashtu interesoheshin për mesfushorin.
Bruno Fernandes konsiderohet si një goditje e rëndësishme në misionin e Manchester United për të shpëtuar sezonin me një biletë për në Champions League sezonin e ardhshëm.
