Policia ka vënë në pranga dy vëllezër në Lezhë.
Sipas informacioneve paraprake, dy vëllezërit, identietet e të cilëve ende nuk janë publikuar, akuzohet se kanë ushtruar dhunë ndaj dy punonjësve të policisë bashkiake.
Bëhet me dijse se 22 dhe 26-vjeçari kanë goditur me sende të forta efektivët, të cilët mësohet se janë jashtë rrezikut për jetën.
Në Shëngjin, punonjësit e Policisë Bashkiake kanë qenë duke ushtruar detyrën mbi bazën e planit për identifikimin dhe prishjen e mureve që kanë zënë hapësirat publike pa lejen përkatëse, dhe gjatë komunikimit me Gj. Ll., i ati i dy vëllezërve, ka pretenduar mosprishjen e murit të rrethimit të banesës së tij.
Në këtë moment, dy djemtë i kanë goditur me mjete të forta.
Materialet procedurale u referuan në Prokurorinë e Rrethit Gjyqësor Lezhë, për veprime të mëtejshme, për veprën penale “Goditje për shkak të detyrës”, e kryer në bashkëpunim.
