Një ngjarje e rëndë ka ndodhur në Gjirokastër. Pas një sherri në makinën ku po udhëtonin, pasagjeri ka qëlluar shoferin e makinës me sende të forta duke i marrë jetën.
Ngjarja e rëndë ka ndodhur pasditen e sotme, rreth orës 17:00, në aksin rrugor Poliçan-Suhë.
Gëzim Saraçi, 57-vjeç, u gjet i vdekur brenda mjetit të tij, me të cilën udhëtonte, ndërsa autori e ka braktisur atë pas krimit dhe është arratisur nga vendngjarja.
Pas krimit autori i identifikuar nga policia dhe i shpallur në kërkim dyshohet se mund të jetë fshehur në fshatin Dritë në afërsi me kufirin grek, ose në fshatin Ndëran të Zagorisë.
Ai ka folur me familjen e tij para se të arratisej, ku edhe u ka treguar se kishte vrarë 57-vjeçarin, gjë që ngre ndyshime se ata mund të kenë pasur njohje dhe mosmarrëveshje me njëri-tjetrin.
Sipas njoftimit zyrtar, mësohet se Gëzim Saraçi, ka ndërruar jetë si pasojë e goditjeve në kokë me sende të forta.
Policia ka marrë dëshmitë e të afërmve të autorit të krimit, për të zbuluar shkaqet e krimit, si dhe po punohet për kapjen dhe vënien e tij para përa përgjegjësisë ligjore.