Përdori metodën e mbështetur nga Trump për të shëruar Covid-19, humb jetën një person

Tentativa për të vetëshëruar koronavirusin ka përfunduar shumë keq për një ccift në SHBA.

Burri nga Phoenix ka vdekur dhe gruaja e tij eshte në gjendje kritike pasi perdoren fosfat klorokuin, (chloroquine) për të vetë-kuruar koronavirusin, raportojne mediat e huaja, duke shtruar se behet fjale per ilacin kundër malarjes që është përkrahur nga Presidenti Donald Trump si një trajtim për COVID-19.

Banner Health tha të hënën se çifti në të 60-tat u sëmurën brenda gjysmë ore nga pirja e ilacit.

“Duke pasur parasysh paqartësinë rreth COVID-19, ne e kuptojmë se njerëzit janë duke u përpjekur të gjejnë mënyra të reja për të parandaluar ose trajtuar këtë virus, por vetë-mjekimi nuk është mënyra për ta bërë këtë,” tha Dr. Daniel Brooks.

“Gjëja e fundit që ne duam tani është të përmbysim departamentet tona të urgjencës me pacientë që besojnë se gjetën një zgjidhje të paqartë dhe të rrezikshme që mund të rrezikonte potencialisht shëndetin e tyre.”


Shtuar 24.03.2020 07:35