DETAJET/ Si polici “gangster” në Fier dhunoi gazetarin që po udhëtonte me të dashurën

Drejtori i Përgjithshëm i Policisë së Shtetit pezullon menjëherë nga detyra punonjësin e patrullës në Stacionin e Policisë Roskovec, Anxhelo Bardhi.

Kjo pasi mbrëmjen e sotme rreth orës 20:00, ky punonjës policie, jashtë orarit të shërbimit, në afërsi të sheshit qëndror të qytetit të Fierit, pas një konflikti për motive të dobëta, ka goditur me sende të forta automjetin e shtetasit Xhoen Osmenaj 23-vjeç dhe është konfliktuar fizikisht me të.

Pas ndërhyrjes së patrullës është bërë shoqërimi i menjëhershëm të Bardhit në Komisariatin e Policisë Fier dhe personave të tjerë të përfshirë në këtë ngjarje.

Grupi hetimor, në drejtimin e Prokurorisë së Fierit dhe SHÇBA-së, po kryen veprimet për zbardhjen e plotë të ngjarjes. Ndërkohë, Drejtoria e Standardeve Profesionale në Policinë e Shtetit ka nisur hetimin disiplinor për shkelje të rëndë.

Zbulohen pamjet e sherret mes efektivit të policisë dhe Osmanajt për të cilin burimet bëjnë me dije se është gazetar i një mediaje anlone, ndërsa udhëtonte me të dashurën e tij.

Mësohet se 2 të rinj njëri prej tyre efektivi civil, udhëtonin me makinën e tyre tip “Benz” ndërsa i kanë bërë “pritë” një tjetër makine “OPEL” me targa AA683EO ku udhëtonte gazetari.

Punonjësi i patrullës së policisë ka qënë jashtë orarit të shërbimit, i veshur civil por kjo nuk e ka ndaluar të nxjerë tabelën dhe të tentojë të ndalojë një makinë, e cila drejtohej nga një gazetar që administron një portal informative.

Ngjarja dyshohet të ketë ndodhur për motive të dobëta ndërsa djemtë kanë dalë prej mjetit me një çekiç dhe kanë goditur dritaren e një mjeti tip “Opel” duke thyer xhamin e shoferit ndërsa një patrullë policie ka qenë në afërsi të vendit të ngjarjes pasi ka mbërritur brenda pak çastesh, shkruan faxëeb.

Policët kanë bërë shoqërimin e të rinjve ndërsa vetëm pas ndalimit kanë konstatuar se njëri ishte koleg i tyre por jashtë orarit të shërbimit.


Shtuar 25.04.2020 20:25