Një nga viktimat e motit të keq në Greqi është shqiptar. Mediat greke raportojnë se një fermer 63-vjeçar me origjinë shqiptare është gjetur i vdekur pak më parë në Karditsa.
63-vjeçari po kërkohej që prej ditës së djeshme nga djali i tij, ndërsa sot është gjetur i pajetë nga ekipet e shpëtimit.
Kështu, numri i të vdekurve nga moti i keq ka shkuar në dy, ndërsa hetimet vazhdojnë për 40-vjeçaren e cila u tërhoq zvarrë me makinën e saj nga lumi Pamisos në Mouzaki.
Situata në zonat e prekura nga cikloni paraqitet serioze. Rrugët janë përmbytur nga shirat e vrullshën, në zonat detare anijet janë fundosur, ndërsa shumë biznese janë shkatërruar.
Sot, në ditën e tretë, parashikohet që cikloni do të godasë me të njëjtën fuqi Jugun e Gadishullit të Peloponezit, në Greqinë Qendrore (Sterea) dhe në Kretën perëndimore.
