Prokuroria e Tiranës pritet të parashtrojë sot pranë Gjykatës Penale të Tiranës kërkesat për 31 personat e arrestuar për tërmetin e 26 nëntorit.
Mësohet se prokurorët e çështjes, Erjon Imeraj dhe Alket Mersini, pritet të kërkojnë për një pjesë të madhe të të arrestuarve caktimin e masës së sigurisë “arrest me burg”.
Seanca për caktimin e masave të sigurisë pritet të mbahet gjatë orëve të paradites së të premtes.