Ishte nëntor kur ish-menaxheri i këngëtarëve të njohur në Kosovë, Drin Zatriqi, publikoi shifrat e parave që disa prej artistëve marrin nga koncertet.
Ndër më të paguarit renditeshin, Ledri Vula, Capital T apo Meda. Në mesin e shifrave të bujshme, Zatriqi ngriti çështjen e tatimeve që shumica e këngërarëve refuzojnë t’ia paguajnë shtetit.
Çmimet për disa artistë për një koncert:
Tayna 8.000 – 12.000 euro
Ledri Vula 8.000- 10.000 euro
Capital T 6.000 – 8.000 euro
Ghetto Geasy 6.000 – 8.000 euro
Butrint Imeri – 6.000 – 7.000 euro
Dhurata Dora 6.000-7.000 euro
Noizy 6.000 – 8.000 euro
Dafina Zeqiri 4.000 – 6.000 euro
Meda: 6.000 – 7.000 euro
Labinot Tahiri – 5.000 euro
Sinan Vllasaliu – 5.000 euro
Ramadan Krasniqi – Dani – 5.000 euro
Fero 3.000 – 4.000 euro
Rina Balaj 3.000 – 4.000 euro
Gjiko 3.000 – 4.000 euro
Por sa i pagoi estrada e Kosovës tatim shtetit në vitin 2019?
Sipas “Telegrafit”, në vitin 2019 janë grumbulluar gjithsej 754 mijë e 546 euro nga këngëtarët, pa përfshirë kontributet.
Ndërkaq, në vitin 2018, ATK kishte mbledhur 613 mijë e 754 euro nga kjo kategori.
“Vlera e pagesës se tatimeve qe këngëtaret e kryejnë, vitin e kaluar kemi pasur 613,754 mijë euro, ndërsa këtë viti deri në muajin nëntor 2019 kemi 754,546 mijë euro (në këtë vlerë nuk janë të përfshira kontributet)”, thuhet në përgjigjen ATK-së për Telegrafi.com.
Por çfarë ndodh kur këngëtarët nuk i paguajnë këto detyrime?
Në një situatë të tillë, ata i nënshtrohen procedurave të mbledhjeve të detyrueshme nga ATK, si bllokimi i llogarive, tërheqja e parave nga llogaritë e tyre bankare, si dhe deri në masën tjetër më të rëndë që është ndalesa për largim nga Kosova dhe konfiskimi i pasurisë.
