Një studim i fundit i kryer në Australi ka zbuluar se një në 5 njerëz këndojnë në dush dhe disa besojnë vërtet se janë mjaft të mirë për të fituar një konkurs këndimi në TV. Pavarësisht se si janë aftësitë tuaja vokale, nëse këndoni gjatë larjes, kjo gjë mund t’ju bëjë të lumtur.
Arsyet? I zbuloni më poshtë:
Ul presionin e gjakut
Të kënduarit ka një efekt qetësues në trupin dhe mendjen tonë dhe mund të ndihmojë në normalizimin e presionit të gjakut. Ai gjithashtu zvogëlon kortizolin, një hormon që rrit presionin e gjakut dhe rrit sheqerin në gjak. Një nivel i lartë i kortizolit mund të rezultojë në inflamacion në trup, stres, goditje në tru dhe diabet tip 2.
Përmirëson sistemin tuaj imunitar
Të kënduarit mund të na ndihmojë të luftojmë viruset, sipas shkencëtarëve. Këndimi rrit imunoglobinën A që na mbron nga infeksionet. Tani që e dini që interpretimi i këngës tuaj të preferuar mund t’ju ndihmojë të qëndroni të shëndetshëm, keni një arsye më shumë për të kënduar gjatë larjes.
Ul stresin
Një studim tjetër në Suedi ka treguar se të kënduarit ka një efekt qetësues dhe mund të ngadalësojë rrahjet e zemrës. Ndihmon gjithashtu trupin tuaj të çlirojë oksitocinë që mund të rregullojë humorin tuaj dhe të luftojë ankthin. Oksitocina njihet si një kimikat lidhës dhe shpesh çlirohet gjatë momenteve të lidhjes me të tjerët. Të kënduarit në dush mund të zvogëlojë ndjenjat e depresionit ose të vetmisë dhe mund t’ju japë të njëjtën ndjenjë që keni kur përqafoni të dashurit tuaj.
Mund të zvogëlojë dhimbjen
Shëndeti ynë fizik dhe psikologjik janë të lidhur. Nëse këndoni hitin tuaj të preferuar ju qetëson dhe mund t’ju ndihmojë të përballoni dhimbjen. Të kënduarit gjithashtu përmirëson tensionin e muskujve dhe inkurajon trupin tuaj të lëshojë endorfinë dhe të lehtësojë ndjesitë e pakëndshme.
Ju ndihmon të qëndroni në formë
Kur jeni duke kënduar, po përdorni shumë nga muskujt në fytyrën dhe qafën tuaj. Të kënduarit bën që muskujt që qëndrojnë mes brinjëve të funksionojnë dhe madje këndimi mund të shërbejë më shumë se stërvitja. Ushtrime të tjera nuk mund të arrijnë këto pjesë të trupit tonë dhe kjo e bën të kënduarit në dush një nga mënyrat më të lehta dhe më të këndshme për të qëndruar në formë.
Kjo e bën zërin tuaj të tingëllojë më mirë
Akustika në dushin tuaj e bën atë vendin e përsosur për të kënduar. Duke qenë se dushi është zakonisht një hapësirë e vogël, ajo shton pak bas në zërin tuaj dhe e bën atë të tingëllojë më i fortë dhe më i thellë.
