Mjeku infeksionist Pëllumb Pipero gjatë gjithë kohës, që prej fillimit të pandemisë nuk ka munguar në dalje telëvizive ku ka sqaruar hap pas hapi situatën apo ka dhënë këshilla.
Mbrëmjen e sotme, gjatë një lidhje me Skype me emisionin “Zonë e Lirë”, ai është përlotur.
Moderatori Arian Çani i vendosi videon që disa fëmijë ia kanë dedikuar mjekëve që janë në vijën e parë të luftës ndaj koronavirusit. Kjo video e ka emocionuar shumë mjekun.
“Sot duhet të jesh mjek të përjetosh këto emocione, është e jashtëzakonshme. I kam sytë me lot, është e jashtëzakonshme. Duhet të jesh aty në spital dhe të dëgjosh këto vajza që të përjetosh këto emocione. Ju përqafoj fortë ato dhe juve që na i sollët këto emocionuese”, ka thënë mjeku i emocionuar.
