Ka ndërruar jetë në moshën 90 vjeçare legjenda e garave me makina, Sir Stirling Moss.
Moss vuante prej kohësh nga një semundje e rëndë, ndërsa ditën e sotme mbylli sytë përgjithmon.
Edhe pse nuk fitoi Kampionatin Botëror, ai vlerësohet gjerësisht si një nga pilotët më të mëdhenj të Formula 1 të të gjitha kohërave.
Moss fitoi 16 nga 66 garat F1 ku garoi nga 1951 deri në 1961.
Ajo që mbahet mend nga tifozët është humbje e titullit kampion në vitin 1958, ku rival kishte bashkëatdhetarin e tij, Mike Haëthorn, të cilit I kishte dalë në mbrojtje dhe e kishte shpëtuar nga skualifikimi gjatë një gare.
Ai zuri vendin e dytë katër herë në Formula 1 dhe u shpall Personaliteti Sportiv i Vitit më 1961.
Moss u tërhoq nga Formula 1 në vitin 1962 pasi një përplasje në Goodëood e la atë në gjendje kome për një muaj dhe paralizoi pjesërisht për gjashtë muaj.
