Italia është kthyer në epiqendrën e koronavirusit. Pas Kinës, Italia po thyen rekorde të rejë për vdekshmërinë nga koronavirusi.
Autoritetet italiane të shëndetit kanë publikuar pasditen e së martës bilancin e ri për personat e prekur nga koronavirusi.
Kështu rezulton se numri i personave të infektuar nga koronavirusi në Itali është rritur në 35,713.
Vetëm gjatë 24 orëve janë shtuar 4,207 raste.
Ndërsa brenda ditës raportohet të kenë ndërruar jetë 475 persona. Numri i viktimave në total shkon në 2,978 dhe numri i personave të shëruar tërësisht është 4,025. /albeu.com/
