Tani në kohë pandemie, kemi nevojë për lajme të mira, lajme shprese.
Dhe një lajm që të jep shpresë për të ardhmen dhe jetën është ai i një 101-vjeçareje nga Nju-Jorku që ia ka dalë ta mundë armikun e padukshëm, koronavirusin.
Angelina Friedman, një triumfatore e vërtetë, i mbijetoi gripit spanjoll të 1918-ës, kancerit dhe tani fitoi ndaj koronavirusit.
Angelina, mposhti koronavirusin, më shumë se 100 vjet pasi nëna e saj vdiq duke lindur në bordin e një anije pasagjerësh që çonte emigrantë italianë, në Nju-Jork, gjatë valës së dytë të gripit spanjoll, shkruan Dritare.net.
Familja e saj e thërret “mbinjerëzore”, për jetën e saj të jashtëzakonshme në të cilën ajo kapërceu gripin spanjoll, abortet, kancerin, sepsën dhe tani pandeminë e saj të dytë, COVID-19.
