Duke folur në konferencën për shtyp në prag të ndeshjes kundër Brestit, trajneri i Paris Saint-Germain, Mauricio Pochettino , bëri një pasqyrë të kushteve të Neymar dhe Messit.
“Neymar vazhdon me programin e rikuperimit, Messi është më i mirë, por ende është i mbikqyrur nga mjekët. Ai po përmirësohet pak nga pak dhe shpresojmë që të jetë sa më shpejt në skuadër.
Ne e bëjmë bilancin çdo ditë dhe ai ndiqet, nuk mund të bëjmë program. Shpresojmë ta kemi me vete së shpejti.
Ramos ka qenë jashtë për shumë muaj. Tani është shumë më mirë. Ai stërvitet me grupin, është çështje kohe.
Gradualisht ai do të fitojë kohë për t’u përshtatur. Mënyra më e mirë nuk është vetëm të luajë, por edhe të stërvitet mirë, rregullisht. Kjo është ajo që ne bëjmë.”/ h.ll/albeu.com
