Mijëra tifozë holandezë e kanë mbushur sheshin kryesor në kryeqytetin e Hungarisë, Budapest, në prag të ndeshjes mes Holandës dhe Republikës së Çekisë në 1/8 e Kampionatin Europian.
Holanda dhe Republika e Çekisë do të kërkojnë një vend në çerekfinale të Euro 2020, pasi do të përballen sonte në “Puskas Arena” në Budapest, në orën 18:00.
An ? wall of Netherlands fans in Budapest! ???pic.twitter.com/7CJXCqz5kH
— Bet9ja (@Bet9jaOfficial) June 27, 2021
Mijëra holandezë do ta përkrahin ekipin e tyre kombëtar jashtë stadiumit në Budapest në një ekran gjigant në sheshin e kryeqytetit hungarez. Fituesi i këtij takimi do të jetë ekipi i tretë që e arrin çerekfinalen e turneut të verës, pas Danimarkës dhe Italisë.
Holanda është në formë fantastike pasi i fitoi të gjitha ndeshjet në fazën e grupeve, duke shënuar jo më pak se 8 gola.
Ky do të jetë takimi i tretë mes Holandës dhe Çekisë në Euro, që prej shpërbërjen së Çekosllovakisë.
