Luton Town ka shënuar fitore me përmbysje në udhëtim te Sheffield United me rezultat 3-2, në kuadër të xhiros së 19-të në Premier League.
Golin e parë në ndeshje e shënuan mysafirët me anë të Alfie Doughty, në minutën e 17’, ps një asistimi nga Lokonga. Me këtë rezultat u krye pjesa e parë.
Në pjesën e dytë, nikoqirët e barazuan rezultatin me anë të Olier McBurnie, në minutën e 61’. Tetë minuta më vonë Anel Ahmedhoziq e kaloi për herë të parë në epërsi Sheffieldin.
Lutoni u kthye sërish në lojë, duke e barazuar rezultatin me anë të Jack Robinson, i cili realizoi autogol në minutën e 77’.
Katër minuta më vonë, edhe Ben Slimane shënon autogol për ta dërguar sërish Lutonin në epërsi dhe për t’ia dhënë fitoren.
Lutoni pas fitores mbetet në vendin e 18-të me 15 pikë të grumbulluara, ndërsa Sheffield United pozicionohet në fund të tabelës. /Klankosova.tv/
