Liverpool bën detyrën përballë Ipswich Town‘Reds’ arritën një fitore 4-1 ndaj Ipswich Town.
Gjithçka e lehtë për Liverpoolin në javën e 23-të të Premier League, që arriti një fitore 4-1 ndaj Ipswich Town. 11 minuta u mjaftuan të kuqve për të zhbllokuar sfidën, Szoboszlai lëshoi një gjuajtje të përsosur me të majtën që mposhti Walton.
Skuadra e Slotit nuk ndalet dhe vazhdon të krijojë, duke gjetur golin e dytë në minutën e 35-të me prekjen e zakonshme të Salah nga pak metra larg. Pak çaste më pas vjen edhe i treti, Szoboszlai sërish vendimtar për të sfiduar Walton, i cili megjithatë nuk mundi të bëjë asgjë përballë Gakpo për të bërë rezultatin 3-0 në pjesën e parë.
Gjërat nuk ndryshuan në pjesën e dytë, me të kuqtë që kontrolluan dhe madje shtuan diferencën: në minutën e 66-të Alexander-Arnold krijoi skenën për goditjen e Gakpo, i cili firmosi për 4-0.
Goli i vetëm për miqtë u shënua nga Greaves, për 4-1 përfundimtar në minutën e 90-të. Liverpool ngjitet në 53 pikë në renditje, ende +6 ndaj Arsenalit dhe ka derbin me Everton për t’u rikuperuar. Ipsëich mbetet në 16 pikë.
