Edhe pse Salah nuk shënon, Egjipti arrin të fitojë dhe të kualifikohet më tej në Kupën e Afrikës. “Faraonët” mposhtën në ndeshjen e fundit të Grupit D, Sudanin me rezultatin minimal 1-0 me golin deçiziv të shënuar nga Abdelmonem në 35’.
Kjo është fitorja e dytë për Egjiptin që e çon në 1/8 e kompeticionit si e dyta pasi kishte pësuar një humbje në debutim.
E para e grupit D u rendit Nigeria që siguroi suksesin e tretë në po kaq ndeshje. Skuadra e drejtuar nga Eguavoen triumfoi 2-0 ndaj Guinea Bissau me golat e realizuar në 56’ nga Umar Sadiq dhe në 75’ nga Ekong.
Me paraqitje të tilla, Nigeria tregon edhe njëherë se është kandidate serioze për titullin e madh të futbollit afrikan.
