Jordan Pickford u pa duke thënë “pa problem” me veten e tij përpara se të mbronte penalltinë e Jorginhos në finalen e Euro 2020.
Edhe pse Anglia humbi nga Italia në penallti, gardiani i Tre Luanëve performoi në mënyrë të mrekullueshme, duke mbrojtur dy, derisa i dha fund rekordit të anëtarit të Chelseat me saktësi të qind për qind nga penalltitë në nivelin ndërkombëtar.
Më herët gjatë gjuajtjeve, portieri i Anglisë kishte pritur një penallti kundër sulmuesit të Torinos, Andrea Belotti i cili i dha avantazhin Anglisë.
Megjithëse, për shkak të dështimit nga penalltitë nga ana e Marcus Rashford dhe Jadon Sancho, Jorginho kishte mundësinë të fitonte Euro 2020 për Azzurrët.
Sidoqoftë teknika e Pickford për të ndalur penalltinë funksionoi në përsosmëri dhe i dha Anglisë një tjetër shans.
Fatkeqësisht për Anglinë, sulmuesi i Arsenalit, Bukayo Saka nuk ishte në gjendje të shënonte penalltinë e pestë e cila u ndal nga Gianluigi Donnarumma dhe siguroi trofeun e parë madhor të Italisë që nga fitorja e tyre në Kupën e Botës në vitin 2006.
Të dy Pickford dhe Donnarumma janë vlerësuar gjerësisht për performancat e tyre gjatë gjithë turneut me portierin e Evertonit duke marrë çmimin Golden Glove (Dorëza e Artë). /Telegrafi/
