Kalon dëmtimin, Kroos: I lumtur që jam rikthyer, gati për Sheriffin

Mesfushori i Real Madridit, Toni Kroos ka dhënë një intervistë ekskluzive për ‘Goal’, ku foli për shërimin nga lëndimi i fundit.

Gjermani është duke vazhduar me stërvitjet dhe është pranë shërimit, ku u lëndua para tetë javëve, derisa këtë sezon ende nuk ka luajtur në fanellën e gjigantit spanjoll.

Sapo ke kryer stërvitjet. Si ndjehesh?

“Jam i lumtur sepse isha në gjendje të bëjë stërvitjen e tretë pa ndjerë dhimbje që kam ndjerë në gjashtë apo shtatë muajt e fundit, pra është ndjenjë e mirë.

Nuk kam luajtur në tre muaj, ndeshja e fundit ishte me 29 qershor në Kampionatin Evropian, pra më duhet të marr ritmin. Por, gjëja më e rëndësishme është që nuk më shqetëson. Nga tani ne do nisim të flasim për ndeshjet, se si do shkojnë. Duhet të arrijmë atë pikën ku dua të jem”.

A do jesh gati për ndeshjen ndaj Sheriff?

“Ndihem i përgatitur dhe mendoj që do ftohem. Nga aty do shohim cila është më e mira. Nesër do flas me Ancelottin dhe nëse e konsideron të rrezikshme dhe preferon të pret, unë do e dëgjoj dhe do ta analizojmë”.

A u konsiderua operimi?

Jo. Kemi punuar për të gjetur mënyrën e duhur. Nuk ishte opsion operimi apo ndonjë gjë e tillë, nuk kam menduar sepse gjithmonë e preferoj të bëjë shërimin e vazhdueshëm, që më ka ndihmuar mua. Është e gjatë, por e vërtetë që kam luajtur gjashtë muaj me dhimbje, ose pa dhimbje, por më barna mes ndeshjeve. Ata e dinin se do të zgjaste”.

A ka ndikuar në anën psikike? Hazard për shembull tha se ka provuar të jetë pozitiv dhe shijoi kohën me familje

“Jam futbollist dhe dua të luaj, është vështirë kur jam i lënduar. Në dorën tjetër, sheh gjëra pozitive. Në këtë çështje, disa udhëtime, më shumë kohë për familje, mirëpo jam futbollist dhe nëse nuk më pëlqen do pensionohesha”.

“Jam lënduar keq, duhet të pyesësh. Nuk jam i lumtur dhe gjithmonë jap gjithçka që të rikthehem më shpejtë. Këtë herë gjithashtu, por me më shumë paqe në mendje sepse ishte lëndim tjetër. Ti gjithmonë dëshiron të rikthehesh, nuk dëshiron të presësh. Kanë kaluar tetë javë dhe gjatë kohës mundohesh të shohësh gjëra pozitive, siç është të qëndrosh me familjen”.

A e ke parë ndeshjen ndaj Villarrealit (0-0)?

“Shkova në stadium si gjithmonë, kur luaj (qesh) dhe nuk luaj. Nëse luan tre apo katër ditë është normale që të mos fitosh gjithmonë, edhe nëse ia del shumë mirë”.

“Gjëja e rëndësishme është që ndeshjet nuk janë perfekt nëse nuk humbim. Opinioni është gjithmonë më i vështirë nga jashtë, më pëlqen të jem brenda, mund të flasësh më mirë, e di çfarë është punuar dhe çka jo. Është e njëjta ndeshje, por në të njëjtën kohë, gjëra të tjera”, deklaroi ai.

Real Madrid këtë të martë do përballet ndaj Sheriff në Ligën e Kampionëve.


Shtuar 26.09.2021 20:19