Karriera e Ronaldo Nazario u pengua nga probleme shumë serioze në gju, pikërisht kur dukej se ai do të thyente pothuajse çdo rekord në botën e futbollit.
Vetëm dëmtimet mund ta ndalonin talentin e tij të jashtëzakonshëm. Ai pësoi dy dëmtime gjatë kohës së tij në Inter, i pari në gjurin e tij të djathtë në sezonin 1999/2000 që e mbajti jashtë për një vit.
Të lidhura
None found
Dhe sapo është kthyer, në ndeshjen e parë që ka luajtur, ka thyer edhe tendinën patelare në gjurin e djathtë.
Tani, në një dokumentar të ri, R9: “The Movie”, i cili kujton karrierën e tij, këto momente të vështira janë rrëfyer nga Nilton Petrone, ish-fizioterapisti i Ronaldos.
“Mjeku ynë po e shtynte kapakun e gjurit poshtë. Ai po qante shumë,” tha Petrone.
“Ai dëmtim ishte më i keqi me të cilin jam përballur”.
Ai vuajti shumë, por më pas erdhi rilindja e tij, koha e tij në Real Madrid dhe kalimi i tij në AC Milan.
Megjithatë, për fat të keq, ai përsëri u përball me dhimbje pasi, në shkurt 2008, ai theu tendinën patelare të gjurit të majtë./ h.ll/albeu.com
