Policia e Shkodrës ka reaguar pas ngjarjes së sotme ku u qëllua me armë drejt një makine.
Blutë bëjnë me dije se ngjarja ka ndodhur rreth orës 17:55, në lagjen “ 10 Korriku”, Shkodër.
Sipas njoftimit zyrtar është qëlluar me armë zjarri makina e shtetasit Selami Brahimi, e cila ka qënë e ndaluar. Si pasojë është plagosur jashtë rrezikut për jetën pronari i mjetit, Selami Brahimi.
Menjëherë në vendngjarje kanë shkuar forcat e Policisë dhe grupi hetimor, për të kryer veprimet për sqarimin e rrethanave të ngjarjes.
Po kqyren kamerat e po vijon kontrolli i zonës nga shërbimet e Policisë për të bërë të mundur identifikimin dhe kapjen e autorit/ve./albeu.com
