Taulant Balla, kreu i grupit parlamentar të Partisë Socialiste, komentoi protestën e mbajtur jashtë Kuvendit, ku pati edhe përplasje e tensione mes protestuesve dhe forcave të policisë.
Sipas Ballës, personat që dolën sot në protestë para Kuvendit nuk përfaqësojnë protestën e vërtetë, por janë, siç u shpreh ai, “vegla” të tre partive të vogla dhe individë të lidhur me regjimin iranian.
Të lidhura
None found
“Protestuesit që kanë ardhur aty nuk kanë lidhje me protestën e vërtetë. Në Kuvend kanë ardhur anëtarët dhe shërbëtoret e Qorit, Lapajt dhe Shehut. Kanë ardhur për hesapet e tyre.
Kjo që ka ndodhur sot me gjuajtjet me vezë është përpjekje e dështuar e tre dështakëve politikë. Nuk janë djemtë dhe vajzat që vijnë në këtë betejë për të mbrojtur flamengot. Ka edhe një pjesë të lidhur me regjimin terrorist të Iranit, të drejtuar nga Dritan Goxhaj”, u shpreh Balla.
